Supermoon

Bulan buleud. Béngras. Geulis kacida. Geter haneutna ngabetot magnét jeroning bumi, nyurungkuykeun ombak nu umpal-umpalan, lir hayang ngahontal kana tungtung langit. Basisir. Inyana ngalémprah, masrahkeun diri dirungrum ombak.

"Jungjunan...," hariring ombak, nu tanggah ka buleud purnama, "naha iraha atuh urang baris tiasa pataréma asih?"

Bulan mencrong geugeut. Teu nyoara, teu bébéja. Tapi, atra, isedna ised horéam, seunggaheun mapagkeun beurang.

Fikmin kintunan: Asharyani, tos kénging pangropéa. Nu badé ngintun fikmin, atanapi bahan fikmin, tiasa klik di form ngintun seratan.