Marimar Quiroa téh wanoja umur 21 taun ti California, Amerika Serikat. Manéhna ti saprak gubrag dilahirkeun, miboga kasakit tumor beungeut anu disebut cystic hygroma.
Marimar kungsi nyumputkeun beungeut lamun pinanggih jeung jalma séjén, alatan aya hingga ku teu percaya dirina. Kiwari, manéhna jadi berita. Aya réwuan follower kana akun YouTube-na, ogé videona geus ditongton jutaan kali ku balaréa. Manéhna nyieun tutorial make up, sok sanajan teu bisa ngomong ku sabab kasakitna téa, nu antukna maké basa isarah waé.
Kageulisan, cék manéhna mah, "lamun urang bisa nampa kaayaan sorangan, sok sakumaha waé kaayaanana, tur bisa nyieuhkeun omongan-omongan batur ngeunaan urang."
Pokna deui, "témbongkeun éta kageulisan, kajeun teuing béda ti sasaha, sing ajeg narima diri kumaha waé kaayaanana."
Cindekna, Marimar ngajak sangkan: saméméh batur, kudu diri sorangan heula anu nampa, ngahargaan jeung micinta sorangan.
Marimar lain ngan ukur nyieun tutorial nu jadi inspirasi jalma loba. Lain ukur selebriti dunia maya anu loba fans-na. Manéhna ogé geus sataun ieu miboga sertifikat jadi instruktur zumba. (Sumber: daily mail.)
Sasieureun sabeunyeureun, mangga dibagikeun.
No comments:
Post a Comment